pATal56 pATal55.html pATal56.html pATal57.html ஏரெழுபது மகாகவி கம்பர் 56. போர்செய்தற் சிறப்பு.
பொருளடக்கம் | 55. அரிமிதிகோலின் சிறப்பு. | 57. போர்க்களம் பாடுதற் சிறப்பு. | அகெடமி

நெல்லுடன் கூடிய வைக்கோலைப் போராக்குவதின் சிறப்பைக் கூறுவது. 56. போர்செய்தற் சிறப்பு. காராளுங் கரியினமும் பரியினமும் கைவகுத்துப் போராளு முடிவேந்தர் போர்க்கோல மெந்நாளுஞ் சீராளுஞ் செழும்பொன்னித் திருநாடர் புகழ்விளக்கும் ஏராளுங் காராளர் இவர்செய்யும் போராலே. (இ—ள்.) செழு பொன்னி திருநாடர் — வளப்பமுள்ள காவிரி நதி பாயப்பெற்ற அழகிய சோணாட்டினரான, புகழ் விளக்கும் ஏர் ஆளும் காராளர் இவர் — புகழைத் தோன்றச்செய்கின்ற ஏரைக் கையாள்கின்ற வேளாள ரென்ற இவர், செய்யும் — செய்கின்ற, போராலே — நெற்போரினால்,— கார் ஆளும் கரி இனம் உம் — மேகத்தையொத்த யானைகளின் கூட்டத்தையும், பரி இனம் உம் — குதிரைகளின் கூட்டத்தையும், கைவகுத்து — அணிவகுத்து, போர் ஆளும் — போரைச் செய்கின்ற, முடி வேந்தர் — கிரீடாதிபதிகளான அரசர் (கொள்கின்ற), போர்க்கோலம் — போர்க்கோலமானது, எந்நாளும் — எப்போதும், சீர் ஆளும் — மேன்மைபெறும்; (எ-று.) ஏருக்கு விளங்கும் புகழாவது பொய்யாத செல்வத்தை விளைத்தலாலாகிய புகழென்க: இத்தொடரைக் காராளர்க்கு அடைமொழியாக்கினுமாம். சீராளும் என்பதைப் பொன்னிக்கு அடைமொழியாக்கொண்டு, போர்க்கோலம் புகழ்விளக்கும் என்று முற்றாக்கிஉரைப்பினுமாம். கார் ஆளும், ஆளும்உவமவுருபு. — (56)
பொருளடக்கம் | 55. அரிமிதிகோலின் சிறப்பு. | 57. போர்க்களம் பாடுதற் சிறப்பு. | அகெடமி