Tamil Arts Volume33
Viśvāmitrasya Uṣaśūktam
उषो वाजेन वाजिनीवति प्रचेताः स्तोमं जुषुस्व गृणोतु मघोनि ।
पुराणी देवि युवति पुरंधिरनुव्रतं चरसि विश्ववारे ॥ १ ॥
uṣo vājena vājinīvati pracetāḥ stomaṃ juṣusva gṛṇotu maghoni .
purāṇī devi yuvati puraṃdhiranuvrataṃ carasi viśvavāre .. 1 ..
उषो देव्यमर्त्या विभाहि चन्द्ररथा सुनृता ईरयन्ती ।
आ त्वा वहन्तु सुयमासो अश्वा हिरण्यवर्णाम् पृथुपाजसो ये ॥ २ ॥
uṣo devyamartyā vibhāhi candrarathā sunṛtā īrayantī .
ā tvā vahantu suyamāso aśvā hiraṇyavarṇām pṛthupājaso ye .. 2 ..
उषो प्रतीची भुवनानि विश्वोर्ध्वा तिष्टस्य अमृतस्य केतुः ।
समानमर्थं चरणीयमाना चक्रमिव नव्यस्य ववृतस्व ॥ ३ ॥
uṣo pratīcī bhuvanāni viśvordhvā tiṣṭasya amṛtasya ketuḥ .
samānamarthaṃ caraṇīyamānā cakramiva navyasya vavṛtasva .. 3 ..
अवस्यूमेव चिन्वती म्घन्युषा याति स्वसरस्य पत्नी ।
स्वर्जनन्ती सुभगा सुदंसा आन्ताद्दिवः पप्रथ आ पृथिव्या ॥ ४ ॥
avasyūmeva cinvatī mghanyuṣā yāti svasarasya patnī .
svarjanantī subhagā sudaṃsā āntāddivaḥ papratha ā pṛthivyā .. 4 ..
अच्छा वो देवीमुषसं विभातीं प्र वो भरध्वं नमसा सुवृक्तिम् ।
ऊर्ध्वं मधुधा दिवि पाजो अश्रेत् प्र रोचना रुरुचे रणसंदृक् ॥ ५ ॥
acchā vo devīmuṣasaṃ vibhātīṃ pra vo bharadhvaṃ namasā suvṛktim .
ūrdhvaṃ madhudhā divi pājo aśret pra rocanā ruruce raṇasaṃdṛk .. 5 ..
ऋतावरी दिवो अर्कैर्बोध्या रेवती रोदसी चित्रमस्थात् ।
आयतीमग्न उषसं विभातीं वामेषि द्रविणं भिक्षमाणः ॥ ६ ॥
ṛtāvarī divo arkairbodhyā revatī rodasī citramasthāt .
āyatīmagna uṣasaṃ vibhātīṃ vāmeṣi draviṇaṃ bhikṣamāṇaḥ .. 6 ..
ऋतस्य बुध्नः उषसामिषण्यन्वृषा मही रोदसी आ विवेश ।
मही मित्रस्य वरुणस्य माया चन्द्रेव भानुं विदधे पुरुत्र ॥ ७॥
ṛtasya budhnaḥ uṣasāmiṣaṇyanvṛṣā mahī rodasī ā viveśa .
mahī mitrasya varuṇasya māyā candreva bhānuṃ vidadhe purutra .. 7 ..