புகைவண்டியின் சிந்து
contents.html
about_the_book.html
preface.html
ஏற்றப்பாட்டுகள்
௳
கடவுள் துணை.
தென்னிந்தியா றெயில்வே என்னும்
கர்னாடகப் புகைவண்டியின் சிந்து.
சென்னை-சூளை
சங்கநிதிவிளக்க அச்சுக்கூடத்திற்
பதிப்பிக்கப்பட்டது
1923
தென்னிந்தியா றெயில்பாரடி — பெண்ணேயிது
தெற்கேபோகும்நேரடி
மன்னர்கள்தான் தூதிக்கும் மதிறாஸ்கருகாக
உன்னிதமாகவே யுகமையாயேர்ப்பட்ட — (தெ)
மண்டலத்தோர்புகழும் மறாஸ்எழும்பூரினில்
கண்டவர்வியப்படைக் கருதிநியமித்த — (தெ)
சட்டமுடன்ஸ்டேஷன் பட்டணத்தோற்போற்ற
திட்டமதாகவே கட்டியிருக்கிற — (தெ)
கண்ணாடிகதவுகள் கனத்த ஆபீசுகள்
விண்ணாடரும்மெச்ச விதமாகயேற்பட்ட — (தெ)
கைகாட்டிமரங்களும் கனத்த ஆளுகளும்
பைகாண்சினே கர்முதல் பலருமிருக்கிற — (தெ)
இஞ்சின்வண்டிமுதல் இணையில்லாவண்டிகள்
அஞ்சுதலில்லாமல் தங்கியிருக்கிற — (நெ)
டிக்கட்டுகள் வாங்கி இக்கட்டில்லாமலே
பக்குவமாகவே தக்கபடிபோவோம் — (தெ)
சைதாப்பேட்டைஸ்டேஷன் சார்ந்த பரங்கிமலை
பயிலாகிறெயில்வண்டி பார்மீதிலேபோகும் — (தெ)
பல்லாவரம்பாரு பக்கத்தில்வண்டலூரு
எல்லார்தங்குங்கூடு வாஞ்சேரியிதுபாரு — (தெ)
அங்கமதுயீடேற ஆண்டவனைப்போற்றும்
சிங்கபெருமாள்கோயில் ஸ்டேஷனிதுபாரு — (தெ)
தங்கபிளப்பாரி தாகவிடாய்தீர
செங்கற்பட்டுஸ்டேஷன் சிறப்பதாய்நாம்வந்தோம் — (தெ)
கோர்ட்டுமுதலான தூக்குமரங்களும்
மேட்டிமையாய்ச்செயில் தாட்டியாய்த்தோற்றுது — (தெ)
பொன்விளைந்தகளத்தூரு புகலரியமதுறாந்தம்
தன்மையுள்ள தாசீல்தார்நடத்துங்கச்சேரி — (தெ)
அச்சரபாக்கமிது அடர்ந்துவரும்றெயில்வண்டி
இச்சைபுடமன் மாற்றும் இணையில்லாஸ்டேஷனிது — (தெ)
ஒலக்கூறுதாண்டிநாம் ஒயிலானதிண்டிவனம்
கலக்கமிலாத்தாலுக்கா கட்டழகிவந்தோம்பார் — (தெ)
புதுமையுள்ளசத்திரத்தில் போஜனம்நாம்செய்து
இதமுடன்றெயிலேறி இக்ஷணம்போகலாம் — (தெ)
மானிலந்தான்புகழும் மயிலமெனுந்தலத்தில்
கானமயில் மீதேறும் கர்[ந்]த்தனிருக்கிறார் — (தெ)
கண்டுபணிந்தால் கர்மவினைகள்போகும்
வண்டுநிகர்விழியாலே மாங்குயில்மொழியாலே — (தெ)
விக்கிரவாண்டி விழுப்புரந்தாண்டி
பக்கத்திலே பண்றொட்டி பண்புள்ளஸ்டேஷனிது — (தெ)
நெல்லிக்குப்பமெனும் நேரானவூர்து
அல்லலகற்றுந்திருப்பா திருப்புலியூரிது — (தெ)
பேடைமயிற்கண்ணாளே பிரியாதேசெந்தேனே
கூடலூர்ஸ்டேஷனைக் குறிப்பாகபோரு — (தெ)
ஆலப்பாக்கமிது அடுத்தபரங்கிபேட்டை
கோலமுள்ளகாயலார் குடிகலிருக்கிறார் — (தெ)
பார்தனிலுள்ளோர்கள் பத்தியாய்தான்துதிக்கும்
சீருள்ளசிதம்பாத் தெரிசனஞ்செய்யடி — (தெ)
நடராஜர்வீற்றிருக்கும் நலமானசிற்சபையை
மடமயிலேநீயும் மனதினிற்போற்றடி — (தெ)
தொல்லைவினைகளைத் துரத்திகருவருக்கும்
தில்லைமாகாளியின் தெரிசனஞ்செய்யடி — (தெ)
கனிவர்க்கங்களுண்டு காசாலட்டுமுண்டு
இனிமைப்பிரசாதங்க னிருக்குமிடமுமுண்டு — (தெ)
வல்வினையைத்தீர்க்கும் வயித்தீஸ்வரன்கோயில்
எல்லையைவிட்டுமகா வேகமாய்த்தான்போகும் — (தெ)
மாயவரங்குத்தாலம் வயங்குநரசிங்கபேட்டை
தூயஸ்டேஷன்கள் தாண்டிதுரிதமாகப்போகும் — (தெ)
திருவிடைமருதூர் தேன்பொழியுங்கும்பகோணம்
பருவுஞ்செந்தலைப்பேரூ வந்தோமிப்போதடி — (தெ)
பாவவிநாசனம் பகரும்ஐயம்பேட்டை
சோபமவைநீக்குஞ் சொகுசுள்ளதஞ்சாவூர் — (தெ)
முப்பத்திரண்டும் முதன்மையாய்ச்செய்வித்த
தப்பில்லாபோஜராஜன் தங்கியதஞ்சாவூர் — (தெ)
சாலியமங்கலம்சார்ந்த அம்மாம்பேட்டை
நீடாமங்கலமிது நேர்ந்தகொரடாச்சேரி — (தெ)
குளிக்கரைஸ்டேஷனிது குணமுள்ளதிருவாலூர்
களிக்கவேதியாகரைக் கண்டுதெரிசிப்போம் — (தெ)
இத்தலந்தன்னிலே யிணையில்லாதேருகள்
மெத்தவுசித்தமாக மேன்மையாய்த்தோற்றுது — (தெ)
அப்புரமிருக்கும் அடைவானஸ்டேஷன்களை
தப்பிதமில்லாமல் தன்மையுடன்சொல்வேன் — (தெ)
கீவளூர்தானிது கிளாச்சிக்கில்தானிது
மேவிநாகப்பட்டணம் மேன்மையுடன்வந்தோ — (தெ)
திடமுள்ளதிருச்சினாப் பள்ளிஸ்டேஷ்னிது
வடமேற்குறெபில்மாதை வந்துகலக்கும்பாரு — (தெ)
பிட்டுக்குமண்சுமந்து பிரம்பாலடிப்பட்ட
திட்டமுள்ளசொக்கநாதர் திருமதுரைதலமிது — (தெ)
அங்கயற்கண்மீனாட்சி யம்மனிருக்கிற
சங்கைகளில்லாத சன்னிதியிற்கோறு — (தெ)
திருப்பரங்குன்றம் திருமாநகரம்
விருப்பமுள்ளகள்ளுகுடி விருதுபட்டிஸ்டேஷன் — (தெ)
துலுக்கபட்டிசாத்தூர் கோவில்பட்டிகுமரபுரம்
துடர்ந்துவரும்ஸ்டேஷன் துருசாய்போகும்இஞ்சின் — (தெ)
கண்டவர்வியப்படையுங் கடப்பூருஸ்டேஷனிது
அண்டையிலிருக்குமணி யாச்சிசத் திரமிது — (தெ)
செந்தைகுண்டாதாண்டி சிறப்பானறெயில்வண்டி
விந்தைமிகும் திருநெல்வேலியிதோவக்கோம் — (தெ)
ஏத்தும்திட்டப்பாறை நேத்தியாய்நாம்வந்து
தூத்துக்குடிதுலை தூரமேநாம்வந்தோம் — (தெ)
தேசமெங்கும்புகழ் திருவண்ணாமலையில்வாழ்
பாசமுடன்வீர பத்திரனியம்பிய — (தெ)
தென்னிந்தியா றெயில்வே சிந்து முற்றிற்று.
குறிப்பு:- இந்த சிந்து பாடல் 1902ஆம் ஆண்டு சென்னை சுந்தரவிலாச அச்சுகூடத்தில் பதிப்பிக்கப்பட்டதாகவும் அறிகிறோம்.